వస్తు, సేవల పన్ను(జీఎస్టీ) అమలు కోసం 101వ రాజ్యాంగ సవరణ బిల్లుకు పార్లమెంటు ఆమోదం తెలిపింది. సభకు హాజరైన సభ్యులంతా (443 మంది) బిల్లుకు అనుకూలంగా ఓటు వేశారు.

జీఎస్టీ బిల్లు కేంద్ర ,రాష్ట్రాలలోని 17 రకాల పరోక్ష పన్నుల స్థానాన్ని భర్తీ చేస్తుంది. ఇది 2017, ఏప్రిల్ 1 నుండి ఇది అమలులోకి వస్తుంది. రాష్ట్రాలు, కేంద్ర (ప్రభుత్వ) సభ్యులు ఉండే జీఎస్టీ మండలి జీఎస్టీ ధరలను నిర్ణయిస్తుంది.

 న్యూయార్క్ కు చెందిన నవలా రచయిత కోల్సన్ వైట్ హెడ్ రచించిన ప్రఖ్యాత నవల ద అండర్ గ్రౌండ్ రైల్ రోడ్ కు ఫిక్షన్ విభాగంలో 2017 పులిట్జర్ బహుమతి దక్కింది. స్వేచ్ఛను ఊహించుకుంటూ పారిపోయిన ఒక బానిస, కఠోర వాస్తవాలను ఈ నవల చిత్రించింది. గత 20 ఏళ్లలో ఈ విభాగంలో అవార్డు అందుకున్న ఏకైక వ్యక్తిగా కోల్సన్ నిలిచారు. ఈ పుస్తకానికి అమెరికా నేషనల్ బుక్ ఆఫ్ అవార్డు కూడా గతేడాది లభించింది.

 2017 విజేతలు: ఫిక్షన్: ద అండర్ గ్రౌండ్ రైల్ రోడ్; డ్రామా: స్వెట్ (రచయిత లిన్ నోటేజ్); హిస్టరీ: బ్లడ్ ఇన్ ద వాటర్: ద అటికా ప్రిజన్ అప్రైజింగ్ ఆఫ్ 1971 అండ్ ఇట్స్ లెగసీ(హీథర్ యాన్ థామ్సన్); బయోగ్రఫీ, ఆటోబయోగ్రఫీ: ద రిటర్న్: ఫాదర్స్, సన్స్ అండ్ ద ల్యాండ్ ఇన్ బిట్వీన్(హిషం మతర్); పోయెట్రీ: ఓలియో(టైహింబా జెస్); జెనరల్ నోటిఫికేషన్: ఎవిక్టెడ్: పావర్టీ అండ్ ప్రాఫిట్ ఇన్ ద అమెరికన్ సిటీ(మాథ్యూ డెస్మండ్); మ్యూజిక్: ఏంజెల్స్ బోన్(డూ యున్); జర్నలిజం, పబ్లిక్ సర్వీస్: న్యూయార్క్ డైలీ న్యూస్ మరియు ప్రోపబ్లికా. ఎక్స్ ప్లనేటరీ రిపోర్టింగ్: ఇంటర్నేషనల్ కన్సార్షియం ఆఫ్ ఇన్వెస్టిగేటివ్ జర్నలిస్ట్స్(ICIJ), మెక్ క్లాచీ మరియు మియామీ హెరాల్డ్(300 మంది రిపోర్టర్ల సాయంతో పనామా పత్రాలను వెలికితీసినందుకు) .

 అమెరికన్ హంగేరియన్ పత్రికా ప్రచురణకర్త జోసెఫ్ పులిట్జర్ ఈ అవార్డులను 1917లో నెలకొల్పారు. దినపత్రికలు, ఆన్లైన్ జర్నలిజం, సాహిత్యం, సంగీత రంగాల్లో మొత్తం 21 విభాగాల్లో కొలంబియా యూనివర్సిటీ ద్వారా అవార్డులను అందజేస్తారు. ఒక్కో విజేతకు 15 వేల డాలర్లు అందజేస్తారు. పబ్లిక్ సర్వీస్ కేటగిరీ విజేతకు స్వర్ణ పతకం ఇస్తారు.

 ఇండియన్ షట్లర్ బి. సాయి ప్రణీత్ సింగపూర్ ఓపెన్ సూపర్ సిరీస్ టైటిల్ గెలుపొందాడు. ఏప్రిల్ 16న జరిగిన ఫైనల్ పోరులో వరల్డ్ నెం. 29 ర్యాంకు క్రీడాకారుడు కిడాంబి శ్రీకాంత్ పై అతడు 17-21, 21-17, 21-12 స్కోరుతో ఈ టైటిల్ నెగ్గాడు. చరిత్రాత్మకమైన ఈ సిరీస్ ఫైనల్ లో అందరూ భారతీయ ఆటగాళ్లే పోటీ పడటం విశేషం.

 ప్రణీత్ కు ఇది కెరీర్లో తొలి సూపర్ సిరీస్ టైటిల్. వరల్డ్ నెం. 30 ర్యాంకు ఆటగాడైన ప్రణీత్ గతేడాది కెనడా ఓపెన్ గ్రాండ్ ప్రిక్స్ గెలుపొందాడు. ఈ ఏడాది సయ్యద్ మోడీ గ్రాండ్ ప్రిక్స్ గోల్డ్ లో ఫైనల్ కు చేరాడు. కాగా, సింగపూర్ ఓపెన్ సిరీస్ విజేతకు $350,000 నగదు బహుమతి అందజేస్తారు.

 ప్రఖ్యాత భారత భౌతిక శాస్త్రవేత్త సర్ చంద్రశేఖర వెంకట రామన్ 1928, ఫిబ్రవరి 28న రామన్ ఎఫెక్ట్ ను కనుగొన్నారు. భౌతిక శాస్త్రంలో కీలకమైన ఈ విజయానికి గాను రామన్ కు 1930లో నోబెల్ బహుమతి లభించింది. ఈ నేపథ్యంలో ఆ విజయానికి గుర్తుగా 1999 నుంచి ఏటా ఈ తేదీన దేశవ్యాప్తంగా జాతీయ సైన్స్ దినోత్సవం నిర్వహిస్తున్నారు. ఈ రోజున విద్యాసంస్థల్లో సైన్స్ సంబంధిత కార్యక్రమాలు నిర్వహిస్తారు.

 2017 థీమ్: Science and Technology for Specially Abled Persons

 నీరు-చెట్టు కార్యక్రమాన్ని తంబళ్లపల్లి నియోజకవర్గంలోని గుమ్మసముద్రంలో ప్రారంభించారు. భూగర్భజలాల పెంపు, జలసంరక్షణ, సమర్ధ నీటి నిర్వహణ ద్వారా పర్యావరణాన్ని కాపాడడం ఈ పథకం ప్రధాన ఉద్దేశ్యం.

 క్షయవ్యాధిపై అవగాహన కల్పించడం, వ్యాధి నిర్మూలన కోసం ఏటా మార్చి 24న ప్రపంచ క్షయ దినం(World Tuberculosis Day)ను ప్రపంచ ఆరోగ్య సంస్థ నిర్వహిస్తోంది. కాగా, 2012లో 86 లక్షల మంది టీబీ బారిన పడగా, 13 లక్షల మంది చనిపోయారు. వీరిలో అత్యధికులు మూడో ప్రపంచ దేశాలకు చెందినవారే ఉన్నారు.

 క్షయ వ్యాధికి టీబీ బాసిల్లస్ బ్యాక్టీరియానే కారణమని కనుగొన్నట్లు డాక్టర్ రాబర్ట్ కోచ్ 1882, మార్చి 24న యూనివర్సిటీ ఆఫ్ బెర్లిన్ లో ప్రకటించారు. దీనికి గుర్తుగా ఏటా క్షయ దినం పాటిస్తున్నారు.

 2017 థీమ్: క్షయ అంతం కోసం ఏకమవుదాం(Unite to End TB).

 చైనాలోని యివూ సిటీ నుంచి లండన్ కు వెళ్లిన తొలి గూడ్స్ రైలు ఈస్ట్ విండ్(తూర్పు గాలి) 20 రోజుల అనంతరం ఏప్రిల్ 29న తిరిగి చైనాకు చేరుకుంది. మొత్తం 12 వేల కిలోమీటర్లు ప్రయాణించిన ఈ రైలు ప్రపంచంలోనే రెండో అతిపెద్ధ రైల్వే మార్గంలో ప్రయాణాన్ని విజయవంతంగా పూర్తి చేసింది. సిల్క్ రోడ్ మార్గంతో పాటు పశ్చిమ యూరోప్ తో వాణిజ్య సంబంధాల మెరుగుదల కోసం ఈ రైలును ప్రారంభించారు. ఈ రైలులో 30 కంటెయినర్లలో సాఫ్ట్ డ్రింక్స్, విటమిన్స్, బేబీ ప్రొడక్ట్స్, ఔషధాలు, యంత్రాలు, బేబీ మిల్క్, విస్కీ వంటి వాటిని రవాణా చేశారు. ఈ రైలు ఏడు దేశాల(ఫ్రాన్స్, బెల్జియం, జర్మనీ, పోలాండ్, బెలారస్, రష్యా, కజకిస్థాన్) మీదుగా ప్రయాణించింది. నౌకల ద్వారా సరుకు రవాణా కంటే ఈ రైలు ద్వారా 30 రోజులు వేగంగా రవాణా చేయవచ్చు.

 అంతరిక్షంలో అత్యధిక కాలం ఉన్న అమెరికా మహిళా వ్యోమగామిగా పెగ్గీ విట్సన్ రికార్డు నెలకొల్పారు. ఇదివరకు ఈ రికార్డు జెఫ్ విలియమ్స్(534 రోజులు) పేరిట ఉండగా, విట్సన్ ఏప్రిల్ 24న దానిని అధిగమించారు. ప్రస్తుత రోదసి యాత్ర పూర్తయేసరికి అంతరిక్షంలో ఆమెకు 600 రోజులు పూర్తవుతాయి. అంతరిక్షంలో అత్యధిక సార్లు నడిచిన, ఐఎస్ఎస్ కు రెండు సార్లు కమాండర్ గా పనిచేసిన మహిళగా కూడా విట్సన్ రికార్డులు సాధించారు.

 భారతీయ సనాతన విద్య అయిన యోగాకు యునెస్కో స్పృషించలేని (అగోచర) సాంస్కృతిక వారసత్వ అంశాల జాబితాలో చోటు లభించింది. ఇథియోపియాలోని ఆడిస్ అబాబాలో జరిగిన 11వ అంతర్ ప్రభుత్వ కమిటీ సమావేశంలో ఈ నిర్ణయం ఆమోదం పొందింది. యునెస్కో స్పృషించలేని సాంస్క్రుతిక వారసత్వ జాబితాలో చోటు లభించిన 13వ భారత అంశంగా యోగా నిలిచింది. ఇంతకుముందు చౌ డ్యాన్స్, లడఖ్ బుద్ధిస్ట్ మంత్ర పఠనం, సంకీర్తన, మణిపూర్ డ్యాన్స్, రామ్ లీలా నృత్యంకి చోటు దక్కింది.

 బ్యాడ్మింటన్ క్రీడాకారిణి జ్వాల గుత్తా స్పోర్ట్స్ అథారిటీ ఆఫ్ ఇండియా (SAI) పాలక మండలి సభ్యురాలిగా నియమితులయ్యారు. జ్వాల 14 సార్లు జాతీయ చాంపియన్ గా నిలిచింది. 2011 వరల్డ్ చాంపియన్షిప్లో ఆమె కాంస్యం గెలిచింది. 2010లో ఢిల్లీ కామన్వెల్త్ గేమ్స్ చాంపియన్ గా, 2014లో గ్లాస్గో గేమ్స్ ఉమెన్స్ డబుల్స్ రజత పతక విజేతగా నిలిచింది.

 ఆంధ్రప్రదేశ్ పునర్ వ్యవస్థీకరణ చట్టం ప్రకారం కేంద్ర ప్రభుత్వం ఏపీకి 2016-17 ఆర్థిక సంవత్సరానికి రూ. 1,976.50 కోట్లను సాయంగా ప్రకటించింది.

11వ అంతరాష్ట్ర మండలి సమావేశాన్ని ప్రధాని నరేంద్ర మోడీ జూలై 16న ఢిల్లీ లో ప్రారంభించారు. ఈ సమావేశంలో అంతరాష్ట్ర సంబంధాలు, అంతర్గత భద్రత, SC and ST ల పైన అకృత్యాల గురించి చర్చించారు.

10 సంవత్సరాల తర్వాత ఈ సమావేశం జరిగింది.

 అంతరాష్ట్ర మండలి రాజ్యాంగ బద్ద సంస్థ. ప్రకరణ 262 కింద పొందు పరచడం జరిగింది. రాష్ట్రాల మధ్య దర్యాప్తు విధానాలు, వివాదాల గురించి చర్చించడం కోసం సర్కారియా కమిషన్ సిఫారసుల మేరకు ఏర్పాటు చేశారు. దీనికి ఛైర్మెన్: ప్రధాన మంత్రి, సభ్యులు: అన్ని రాష్ట్రాల, కేంద్రపాలిత ప్రాంతాల ముఖ్యమంత్రులు మరియు అడ్మినిస్ట్రేటర్లు. కాబినెట్ రాంక్ కలిగిన ఆరుగురు సభ్యులు.

దేశంలో అత్యున్నతమైన పౌర పురస్కారాలైన పద్మ అవార్డులను 2017కు గాను కేంద్ర ప్రభుత్వం జనవరి 25న ప్రకటించింది. వివిధ రంగాల్లో విశేష సేవలు చేసిన 89 మంది ఈ ఏడాది పద్మ అవార్డులకు ఎంపికయ్యారు. ఏడుగురికి పద్మ విభూషణ్, మరో ఏడుగురికి పద్మ భూషణ్, 75 మందికి పద్మ శ్రీ అవార్డులు లభించాయి. అవార్డు విజేతల్లో 19 మంది మహిళలు, ప్రవాస భారతీయులు, విదేశీయులు ఐదుగురు ఉన్నారు. ఆరుగురికి మరణానంతరం ఈ అవార్డులు ప్రకటించారు. పద్మ విభూషణ్: కేజే ఏసుదాసు, సద్గురు జగ్గీవాసుదేవ్, శరద్ పవార్, మురళీ మనోహర్ జోషి, యూఆర్ రావు, సుందర్ లాల్ పట్వా(మరణానంతరం), పీఏ సంగ్మా(మరణానంతరం). పద్మ భూషణ్: విశ్వమోహన్ భట్, దేవీప్రసాద్ ద్వివేదీ, తెహెమ్ తోన్ ఉద్వదియా, రత్నసుందర్ మహరాజ్, స్వామి నిరంజనానంద సరస్వతి, మహాచక్రి సిరింథ్రోన్(థాయిలాండ్ ప్రిన్సెస్), చో రామస్వామి (మరణానంతరం).

పద్మ శ్రీ: తెలంగాణ నుంచి గ్రహీతలు: ప్రొఫెసర్ ఎక్కా యాదగిరి రావు(కళలు శిల్పి), త్రిపురనేని హనుమాన్ చౌదరి (సివిల్ సర్వీస్), : డాక్టర్ మహ్మద్ అబ్దుల్ వహీద్(వైద్యం), చంద్రకాంత్ పితవా(సైన్స్ అండ్ ఇంజనీరింగ్), : దరిపల్లి రామయ్య(సామాజిక సేవ), బీవీఆర్ మోహన్ రెడ్డి(వాణిజ్యం, పరిశ్రమలు). ఏపీ నుంచి: : చింతకింది మల్లేశం(సైన్స్ అండ్ ఇంజనీరింగ్; స్వస్థలం తెలంగాణ. అవార్డు ఏపీ కోటాలో వచ్చింది), వి. కోటేశ్వరమ్మ(సాహిత్యం, విద్య).

కరువు పీడిత జిల్లాగా మారిన మహబూబ్ నగర్ జిల్లాలో వాతావరణ మార్పు సంబంధిత సమస్యలను ఎదుర్కొనేందుకు గాను కేంద్ర ప్రభుత్వం పైలట్ ప్రాజెక్టును ప్రారంభించింది. మహబూబ్ నగర్ తో పాటు నాగర్ కర్నూలు, వనపర్తి జిల్లాల్లో చేపట్టే ఈ ప్రాజెక్టును ఎన్విరాన్మెంట్ ప్రొటెక్షన్ ట్రెయినింగ్ అండ్ రీసెర్చి ఇనిస్టిట్యూట్(EPTRI), రాష్ట్ర వ్యవసాయ శాఖ, నాబార్డ్, ఇక్రిశాట్, ప్రొఫెసర్ జయశంకర్ టీఎస్ అగ్రికల్చర్ యూనివర్సిటీ సంయుక్తంగా నిర్వహిస్తాయి. దీనికి రూ. 24 కోట్లు ఖర్చు చేయనున్నారు. ఈ ప్రాంతాల్లో ప్రతి 2 వేల ఎకరాలకు ఒక వ్యవసాయ అధికారిని నియమించి, నాలుగేళ్ల పాటు ప్రత్యేక చర్యలు చేపట్టనున్నారు.

ుద్ధనౌకల నుంచి భూతల దాడులు చేసే బ్రహ్మోస్ క్షిపణిని తొలిసారిగా భారత నావికాదళం బంగాళాఖాతంలోని ఓ నౌక నుంచి విజయవంతంగా పరీక్షించింది. రష్యాకు చెందిన యఖోంత్(పీ800 ఆనిక్స్) క్షిపణుల ఆధారంగా బ్రహ్మోస్ క్షిపణులను రష్యా సహకారంతో భారత్ తయారు చేసింది. ఈ క్షిపణుల పరిధి 290 కి.మీ. గతేడాది క్షిపణి సాంకేతికత నియంత్రణ ఒప్పందంలోకి భారత్ ప్రవేశించినందున, పరిధిని 450 కి.మీ. వరకూ పెంచేందుకు వీలైంది.

89వ అకాడమీ(ఆస్కార్) అవార్డులను ఫిబ్రవరి 27న లాస్ ఏంజెలిస్ లోని హాలివుడ్ లో గల డాల్బీ థియేటర్లో ప్రదానం చేశారు. 2016లో వచ్చిన సినిమాలకు సంబంధించి అకాడమీ మోషన్ పిక్చర్ ఆర్ట్స్ అండ్ సైన్సెస్ మొత్తం 24 విభాగాల్లో ఈ అవార్డులను ప్రకటించింది.

లా లా లాండ్ 14 విభాగాల్లో నామినేట్ కాగా, ఆరు విభాగాల్లో అవార్డులను కైవసం చేసుకుంది.

విజేతలు: ఉత్తమ చిత్రం: మూన్ లైట్; ఉత్తమ నటి: ఎమ్మా స్టోన్(లా లా లాండ్); ఉత్తమ నటుడు: క్యాజీ అఫ్లెక్(మాంచెస్టర్ బై ద సీ); ఉత్తమ దర్శకుడు: డామియెన్ చాజెల్లే(లా లా లాండ్, 32 ఏళ్లకే ఆస్కార్ అందుకుని, అతి పిన్న దర్శకుడిగా నిలిచారు).

ఇటీవల కన్ను మూసిన భారతీయ నటుడు ఓం పురి, స్టార్ వార్స్ నటి క్యారీ ఫిషర్, డెబీ రేనాల్డ్స్, బిల్ పాక్స్టన్ వంటి దివంగత నటులను అవార్డుల వేదికపై ప్రత్యేకంగా స్మరించుకున్నారు.

అకాడమీ అవార్డులను 1929లో మొదటిసారిగా ప్రదానం చేశారు.

పాకిస్థాన్లో హిందూ మైనారిటీ ప్రజల వివాహాల నియంత్రణకు సంబంధించిన కీలక బిల్లు Hindu Marriage Bill 2016ను ఆ దేశ పార్లమెంటు ఉభయ సభలు ఆమోదించాయి. దీంతో హిందువులకు సమ్మతమైన సమగ్ర కుటుంబ చట్టాన్ని ప్రవేశపెట్టేందుకు మార్గం సుగమం అయింది.

మైనారిటీల కోసం పాక్ లో తెచ్చిన మొదటి పర్సనల్ లా ఇది. పాస్ పోర్టులు, ఇతర అధికారిక పత్రాల కోసం హిందూ స్త్రీలు తమ వివాహానికి సంబంధించిన ధ్రువపత్రాలను చూపించాల్సి ఉండగా, ఇదివరకు ధ్రువపత్రాలు ఇచ్చేవారు కాదు. తాజా చట్టం ద్వారా ఇకపై ధ్రువపత్రాలు అందజేస్తారు.

వివాహ నమోదు, విడాకుల మంజూరు వంటి వాటికి ఇందులో సమగ్ర నిబంధనలు చేర్చారు.

పాక్ హిందువుల్లో పెరుగుతున్న అభద్రతా భావాన్ని తొలగించే లక్ష్యంతో ఈ బిల్లును రూపొందించారు.